هندسة وصفية

نحن نرعي في مستوي لا محدود نتاثر بالأ شياء دون أن ندرك أبعادها الحقيقية




فاكرة لما كنا صغيريين
مش من سنيين
من يوم أو اتنين بالكتير

لما كنت بعشقك
عاشق كلامك و مصدقك
و باحب اصحي معاكي الصبح اكتر مانام
أو أنام معاكي في وسط الكلام

النظرة دي

ايواااا... النظرة دي
كانت حنان؟ و لا رغبة و السلام؟
و لا التزام بالدور الي رسماه الحياة؟
---
مش قلتلك ان حياتي ملخبطة
غربة و شقا
و أحاسيس كتير متفرقة
طب ايه بقي؟؟؟؟

انتي الي قلتي ده قدر
و انا مش ملاك بين البشر
عشان احاسبك عالقدر
بس الحقيقة انك بشر.. أو مش بشر

دلوقتي بتحكي عن الحنين
و الشوق و القلب الحزين
أنا واحد تاني غير الي حبتيه من سنين
لا مش من سنين
من يوم أو اتنين بالكتير
لما كنا صغيريين

فاكرة؟


2 التعليقات:

أول تعليق ودائما في الصدااارة

الله عليك يا بشمهندس

حلوة جدا ... اول مرة تكتب حاجة أفهمها من أول مرة قراية ...

بجد جميلة أوي ...

سنين العمر بتعدي وكأنها ساعات .
وبيها ... إحنا مش حاسين .
نقول كل اللي فات فيها ..
يادوب لحظات ...

بوست أكتر من رائع ...

حلو جداااا

بيب ... بيب .. أهلي

انت اللى كاتب الحلاوة دى؟؟
تسلم ايدك