هندسة وصفية

نحن نرعي في مستوي لا محدود نتاثر بالأ شياء دون أن ندرك أبعادها الحقيقية



حلقة مفرغة
تعرفت عليها, تحسستها, تذوقتها, اكلتها حتي الامتلاء
شهية هي
أنثوية الرائحة, لا تتجمل من اجلي و تكتفي بما تمتلك
تحتويني
تشعرني أن لا أحد غيرها و لا أحد غيري
---
أشعر بالملل
فأنا رجل كتب علي أن أكون شرقيا حتي النخاع
تتركني بذكاء و تتصنع عدم الاهتمام
أشعر بالسعادة
أذهب
أشعر بالملل
فأنا رجل شرقي الطباع
---
أعود
تتجاهلني بغباء و تتصنع عدم الاهتمام
أشعر بالغضب
أذهب
أشعر بالملل و أعود
ألعنها و أتوسل اليها
أهدر كرامتي تحت قدميها
أغضب و أحاول استرداد كرامتي المهدرة
ترفض
أبكي و أثور
تحتويني بذكاء و تتصنع عدم الاهتمام
---
أتحسسها, أتذوقها, أكلها حتي الامتلاء
تحتويني
تشعرني أن لا أحد غيرها و لا أحد غيري
---
اتصبب عرقا, أرفع رأسي
أنظر اليها بعينين مجهدتين
أطلب منها استرداد كرامتي
فأنا في النهاية شرقيا حتي النخاع
تفلتني بذكاء و تتصنع عدم الاهتمام
---
أتحسسها و أنام
كم جميلا أن نكون أصدقاء
أتسلل و أذهب اليها
أعلم أنها دائما هناك من أجلي
جميلة, رقيقة
ليست صغيرة حمقاء و لا عجوز خرفاء
هي دائما في تلك المرحلة
حين تكون الانثي امراءة بلا زيادة أو نقصان
---
تتركني أتحسس طريقي اليها بتلذذ
تعطيني بسخاء
تراني مستمتعا فتهتز طربا
أشعل سيجارة و انا انوي اطالة البقاء
تدفعني برفق و دلال
تخبرني لو أطلت البقاء لن أشعر بلذة التسلل
أؤكد لها اني لا ابالي
تبتسم و تقول لي
و لكنك يا حبيبي شرقيا حتي النخاع
---

Gigolo
يظهر علي وجهي ضيق لا يخطئه رئيسي في العمل
أقول له لا أطيقها
يعبث في وجهي
يتراجع فورا و يبتسم
يعلن أنها يجب أن تشعر بالرضا
فلأزمة الاقتصادية علي الأبواب
---
أتجاهل البرودة الحارقة
أرسم علي وجهي ابتسامة
لاأدري حتي ان كانت لبقة أم حمقاء
أصطنع المرح
أبالغ
أنظر اليها لاري رد فعلها
أراها تدخن سيجارة و هي تنظر شاردة للسماء
أدرك تفاهة أن أكون مجرد شرقيا حتي النخاع
---
The damage is done

لا أدري
تظل هذه العبارة تتردد في عقلي
أتصبب عرقا
تتحول العبارة لمطرقة تدق علي رأسي في رتابة مملة
اشعر بالحرارة الخانقة
أفتح النافذة
تهاجمني رطوبة لزجة
أنظر اليها و أراها نائمة
دائما نائمة
تتسارع ضربات المطرقة
يزداد العرق انهمارا
أشعر بالاختناق
أبحث بجنون عن نسمة هواء اتنشقها و لا أجد
يصيبني جنون
أفتح الباب و اهرب
---
أتذكرها تحتويني بذكاء و تتصنع عدم الاهتمام
اتذكرها تدفعني برفق و دلال
أشعر بالملل
---
أركب سيارتي
أتاكد من وضعية المقعد و المراة
أدير التكييف علي اعلي درجة
أدير مشغل الاسطوانات
يطالعني منير
و ما بين كدة أو كدة
مش مرتاح أنا
خليني بقي كدة
يمكن الهنا
متداري في صبري عليك

13 التعليقات:

ده ايه البتاعه الفزيعه دي

ده انا تنحت بجد

انا عايز افهم مين ده وراح فين وجه منين
لا بجد بس بجد يعني مين ده
والحكايه ايه
انت كده لخبط الواحد وخلتني مش مركز هو مين بيقول على مين
هي مين وهو مين

افكرا كتير جت في دماغي وبجد بجد
تسلم ايدك
بجد احيك
ان شاء الله نكون اصدقاء على طول
سلاااااااااااااااااااااام
اخوك ايهاب

هههههه
ايهاب ربنا يخليك
مش للدرجة دي
دي حاجات بتيجي في دماغي
و طبعا مش ممكن اقف اقولها وسط زمايلي في الشغل
او وسط اصحابي علي القهوة
فقلت اكتبها هنا و خلاص

شوف هي دي انطباعات انا حسيتها عن مدن انا عشت فيها لظروف العمل و غيره
القاهرة
الاسكندرية
دبي
الكويت
حسب ترتيب الصور
انا زرت مدونتك و انت دمك ز العسل
تشرفني صداقتك

طيب ده لازم اللي يقرا يكون راح دبي واسكندرية والكويت علشان يفهم..
بصراحة حسيت انك عاووز تقول حاجة جواك بس لسة الفكرة غامضة بالنيبة لي .. حسيت في الأول انه حنين للوطن .. ولا تلذذ بالغربة ... حاول تفهمني معلش خدني علي أد عقلي

والله يا ميمي غالبا كدة عشان انا مش فاهم الي جوايا يمكن طبيعي ان محدش يفهم
و يمكن ده الي خلاني افتكر اغنية منير في الاخر
و ما بين كدة او كدة
مش مرتاح انا
خليني بقي كدة
يمكن الهنا
متداري في صبري عليك

والله ما انا فاهمة حاجة
هو اية ده ؟
لا لازم تفهمهلنا بقى البوست اللى جاى انشاء الله
وبعدين شغل والقاهرة والاسكندرية ودبى ومعرفش اية وانت لسة 17 سنه
اومال لما تكبر شوية

ندا:)
مشكرين علي الزيارة
جبتي منين 17 سنة
انا بقالي 31 سنة عايش علي حد علمي
و الله حلو لني ارجع 14 سنة

السلام عليكم

أحياناً يقع الأنسان منا أسيراً لمكان حتى لو غادره
وبتنشأ بينه وبين المكان بل الأماكن علاقات خاصه ويصبح لكل مكان صوره فى القلب ومعنى
مش كده ولا أيه
---
مدونه جميله ولها طعم وسأعود لأستكمال جولتى فى أركانها
وتقبل تحيتى ودعوتى ومرورى

واحد من العمال
نورتنا و الف شكر

عجبتني جداً
و فاهماها
:)

و النبي البني آدمة الجملية الي اسمها نسرين
عجبتك جدا؟؟
طيب علي فكرة 18 مايو ده انا هعلنه عيد قومي و احتفل بيه هنا انشاء الله كل سنة

بس ابقي فكريني:)

يااا بشمهندس
أنا فهمتك
عشان أنا رحت المدن دي
اتغربت زيك
حسيت المعنى في كلامك
وانبهرت جدا
بمدونتك
كلامك جميل
احساسك غامض
مثير
شدني لقراءة كل البوستات
وكل ما آجي أعلق
أقول لأ استني يا بت يا زقطوطة
إذ ربما يكون في بوست أحلى
ومن حلة لأحلى
حتى و صلت لدي
بجد
بهرتني جدا الكلمات
بجد إنت متميز
أي نعم أنا متعقدة من الهندسة الوصفية
:S
بس ما يمنعش إنك متميز
تحياتي : )))))))))

زقطوطة
والله اخجلتم تواضعنا
:)
شكرا

طيب ده لازم اللي يقرا يكون راح دبي واسكندرية والكويت علشان يفهم..
بصراحة حسيت انك عاووز تقول حاجة جواك بس لسة الفكرة غامضة بالنيبة لي .. حسيت في الأول انه حنين للوطن .. ولا تلذذ بالغربة ... حاول تفهمني معلش خدني علي أد عقلي

April 27, 2009 11:00 PM